«Soul beltza sortzea da asmoa, baina, geuk eginda, soul zuria baino ezin egin»

Javi P3Z, musikaria.

Javi P3Z, Oriol Flores eta Alberto Boschekin.

Elektronikan aritu da urte luzez Javi P3Z musikari eta musikazale amorratua, baina onartzen du «elikagarriagoa» dela musika taldean sortzea. Ia denetik egin du, eta egiteko duena gauzatzeko asmoa du.

Javier Vicente Calderon du izena (Donostia, 1967), baina musika munduan erabiltzen dituen ezizenak beti ibili dira pez hitzaren inguruan, 1980ko hamarkadan 23 Ojos De Pez taldean hasi zenetik. Ia denetik egin du harrezkero: musika esperimentala, popa, rapa eta ikus-entzunezko lanak. Disko jartzaile ere ibili da. Triz3ps egitasmoarekin dabil orain, soul musikaren indarrarekin jendea mugiarazten. Izen horixe duen disko bat aurkeztuko du taldeak gaur, 22:30ean, Bastero kulturgunean, Andoainen (Gipuzkoa).

«Neure lan pertsonalak eskaintza bat dira, eta liturgia zentzua hartzen dute»

Kandido Uranga, aktorea.

Argazkilaria: Gari Berasaluze

'Kafe txinatarra' lana antzeztuko du aktoreak gaur Donostian, Asier Hormazarekin batera. Bere sorkuntza lanez, telebistarentzat egindakoez, arrakastaz eta Antonio Banderasez mintzo da.

Aktore beteranoa da Kandido Uranga (Zumaia, Gipuzkoa, 1957). Denetik egin du: Atxagaren Henry Bengoa Inventarium taularatu, Jon Miranderi ahotsa jarri, eta, azken boladan, Abelena Goenkale-n. Asier Hormazarekin batera, Ira Lewisen Kafe txinatarra antzezlana taularatzen ari dira azken asteotan, euskaraz. Gaur eta bihar arituko dira, Antzoki Zaharrean, Donostian, 20:00etan.

«Aditu independenteek ikertu beharko lukete Iñigo Cabacasen auzia»

Carlos Villan, nazioarteko zuzenbide irakaslea.

Nazio Batuen Erakundeko giza eskubideen inguruko ikertzailea izan da urte luzez. Bilbon Ertzaintzaren hilketak eragindako samina ikusi du, eta Bakerako Giza Eskubideaz mintzatuko da gaur Donostian.

Carlos Villan (Campo de Caso, Espainia, 1950) Nazio Batuen Erakundeko Giza Eskubideen Egitasmoko ikertzailea izan da 23 urtez. Estrasburgoko Nazioarteko Giza Eskubideen Institutuko kide eta irakaslea da. Bakerako Giza Eskubidea, pertsonen eta herrien eskubidea hitzaldia emango du gaur, 19:00etan, Donostiako Bakearen Etxean.

«Ez dugu ulertzen zergatik ez zaizkien interesatzen ibaiak euskaldunei»

Anja Bernecker, erreka garbitzailea.

Bernecker, ezkerrean, Urumea ibaian eginiko saioan.

Alemaniar batek eta danimarkar batek ibai bazterrak garbitzeko boluntario talde bat sortu dute, plastiko eta bestelako zikinkeriekin harrituta. Urumearekin hasi dira, baina Oriari ekingo diote laster.

Kanpotik etorriko dira, eta ibaia garbituko dizute. Esaera zahar berri bat asmatu beharko da Anja Bernecker (Munich, Alemania, 1979) eta Danimarkako haren kide Malou Henricksen Euskal Herrian egiten ari direna laburbiltzeko. Gure erreketan pilaturiko zikinkeria ikusita, garbitzeko boluntario talde bat osatu dute, Donostiako teknologia parkeko hainbat lankiderekin. Hurrengo saioan, larunbatean, apirilak 7, Urumea garbitzen jarraituko dute, Martutene parean (Donostia), 11:00etatik aurrera: Urgarden .

«Maite dut bertsioak egitea, omenaldia egiteko edo kanta galbidera eramateko»

Chloe Lacan, musikaria.

Kantari-antzezle edo antzezle-kantari, bietan trebe da paristarra. Hamar urtez La Crevette d'Acier taldearekin ibili izanak eman dio indarra, orain, bere kabuz aritzeko, musika eta umorea uztartzen.

Musika egiten duen aktorea edo antzerkia egiten duen musikaria? Halako galdera egiten dugun gehienetan, oso argi egoten da erantzuna. Chloe Lacan (Paris, 1975), berriz, kasu zailagoa da. Umoreari eta antzezpenari ahotsa eta, batez ere, soinu kromatikoa erabiltzeko trebetasun teknikoa gehitzen dizkio artistak. La Crevette d'Acier taldearekin hamar urtez eginiko lanarengatik ezagunagoa da, baina gaur Plaisirs solitaires bakarkako lanarekin dator Bilbora; 20:00etan ariko da, BBK aretoan.

«Musika tresna mekanikoak maite ditut: ez dute hutsik egiten eta ez dira kexatzen»

German Diaz, musikaria.

 

 

Sendagile euskaldun batek 1933. urtean grabaturiko bihotz gaitzen soinuetatik abiatuta, musika ikuskizun bitxia taularatzen du German Diaz sortzaileak, antzinako tresnak eta bere birtuosismoa erabilita.

German Diaz (Valladolid, Espainia, 1978) musikaria da. Hainbat talde eta egitasmotan dabil. Filologia Klasikoa ikasten hasi zen, baina ez zuen bukatu. Gauza bera gertatu zitzaion gitarra klasikoarekin. Baina zarrabetea aurkitu zuenean, birtuoso izatera heltzeko adinako motibazioa sentitu zuen. El método cardiofónico ikuskizuna taularatuko du bihar, 11:30ean, Bizkaiko Foru Liburutegian, Bilbon.

«Integrismoak borrokatu behar ditugu: musulmana, judua edo katolikoa»

Nadia El-Fani, zinema zuzendaria.

Magharebia

Islamistek heriotza mehatxua egin diote Nadia El-Fani sortzaileari, Ramadamean barau egiten ez duten edo alkohola edaten duten tunisiarrei buruzko dokumentala egitegatik. Gaur azalduko du egoera Donostian.


Nadia El-Fani (Paris, 1960), besteak beste, Roman Polanski eta Franco Zeffirelliren laguntzailea izan zen, bere filmak zuzentzen hasi aurretik. Guraso tunisiarrak zituen, eta urtebete zuenean Afrika iparraldeko herrialdera bizitzera eraman zuten. Duela hamar urte Parisera joan zen bizitzera, diktaduratik ihesi. El-Faniren Laïcité Inch'Allah filma (Laikotasuna, Alak hala nahi badu) aurkeztuko du gaur, 19:30ean, San Telmo museoan, Donostian, eta ondoren, galderei erantzungo die.

«Bidea itxita zegoela esaten zigun abangoardiako musika garaikideak»

Ludovico Einaudi, musikaria.

Clint Eastwooden azkenari, eta 'Intouchable' filmari musika jarri die konpositore italiarrak. Esperimentazioa baztertu, eta musika sinplea, erraza, melodikoa eta gozoa nola egiten hasi zen kontatu digu.

Ludovico Einaudi (Turin, 1955) musikari eta konpositorea da. Pianoarekin bakarka arituko da gaur, 19:00etan, Viktoria Eugenia antzokian.

«Bonbardaketa baten aurrean, literaturak ez du balio estalki moduan»

Iñigo Aranbarri, idazlea.

Hegazkinetatik zibilen aurka eginiko bonbardaketen literaturari buruzko liburuxka osatu du sortzaileak. Azken hamarkadotan eginiko izugarrikeria asko abestu gabe geratuko direla uste du.

Iñigo Aranbarrik (Azkoitia, Gipuzkoa, 1963) Herioren hegala (literatura bonbapean) liburuxka osatu berri du. Bonbardaketak literaturan, hasi Durangon eta Hiroshimatik gora hitzaldia emango du gaur, 10:00etan, Durangoko udal liburutegian (Bizkaia).

«Amodioa instituzio bat da, eta gizartean nola antzezten den erakutsi nahi dugu»

TOVE SHALIN, dANTZARIA.

Shalinek eta haren senar Dag Anderssonek bikote harremanen inguruko hausnarketa alai eta popa sortu dute. 'Roses and Beans' lanean, generoa eta berdintasuna taularatzen ari dira Bilbon.

Tove Shalin dantzariak (Orebro, Suedia, 1976) eta haren senar Dag Anderssonek osatzen dute Bastardproduktions dantza taldea.Roses and Beans performancea taularatuko dute gaur, 19:00etan, Guggenheim museoan, Dantzaldia jaialdiaren barruan.

«Errazagoa da barrea eragitea aretoa beteta baldin badago, kutsatu egiten delako»

Jon Urraza, aktorea.

Urraza, ezkerrean, Jon Zubiagarekin

Dirurik eta lanik gabe bizirik irauten duten bi lagunen aitorpenak zuzeneko musikarekin entzun ditzakegu Jon Urrazak idatzi, zuzendu eta Jon Zubiagarekin antzezturiko 'Morritson eta Gartzia' umore lanean.

Antzezle eta antzerkigilea da Urraza (Getxo, Bizkaia, 1971). Jon Zubiaga Osoron-ekin, Morritson eta Gartzia, kultoko antzezlana taularatzen hasi dira.

«Hautetsi errespetagarriak genituzke Rousseau eta Victor Hugo irakurriko balituzte»

Gaston Bordet, historialaria.

Gaston Bordet (Thonon-les-Bains, Savoia, Frantzia, 1933) Ideien Historiako irakaslea izan zen Besançongo Unibertsitatean. Jean-Jacques Rousseau jaio zela 300 urte betetzen dira aurten. Haren ideiak inoiz baino biziago daude, filosofoaren inguruko aditu Gaston Bordeten ustez, eta kargudunek derrigor irakurri beharko lukete.

«Eskoziakoak dramatismoa kentzen dio aukera bati, eta erreferentzia izango da»

Antonio Dupla, historialaria.

Antonio Dupla (Zaragoza, Espainia, 1955) Antzinako Historia irakasten du EHUn. Horrez gain, Hika aldizkariaren koordinatzailea izan da azken urteotan.

«Anaiak eta biok countrya gorroto genuen, 24 urterekin maitemindu ginen arte»

Travis Good, The Sadies taldeko musikaria

The Sadies (Travis Good eskuinean)

Euren musika country-rock-psikodeliko gisa deskribatzen du gitarra-biolin-jotzaile eta abeslariak. Datorren astean Andre Williamsekin aterako duten diskoaz mintzo da. Travis Good (Aurora, Kanada, 1968) The Sadies taldeko bihotza da, Dallas anaia txikiarekin. 1998. urtetik ari dira euren musika nahasketa zuzenean jotzen eta grabatzen. Beste musikari batzuekin lan egitea gustuko dute, Andre Williamsekin, John Doerekin, besteak beste.

«Ez dago femimismoaren laugarren olatu antolaturik, baina badira hainbat surflari»

Lourdes Mendez, antropologoa.

Lourdes Mendez (Donostia, 1957) artearen antropologia katedraduna da EHUn. ¿Tiene sentido seguir hablando de género en el arte en el siglo XXI? (Zentzurik ba al du artean generoz hitz egitea XXI. mendean?) mahai ingurua bideratuko du gaur. Xabier Arakistain arte komisarioa eta Carmen Calvo artista izango ditu aldamenean.

«Trantsizioaren analisi kritikoa, beldurrik gabekoa, egiteke dago zinemagintzan»

Iñaki Pinedo, zinemagilea.

Pinedo, ezkerrean

Iñaki Pinedo zinemagileak (Bilbo, 1960) memoria historikoari dedikaturiko trilogia osatu du: Los otros Guernicas, El hombre que murió dos veces eta La escuela fusilada. Frankismoaren aurkako azken makiaren ingurukoa da bigarrena, eta zigorturiko irakasleei buruzkoa hirugarrena.

«Ez dut batere diziplinarik, baina deabruei deitzen diedanean, etorri egiten dira»

Elliott Murphy, musikaria.

Elliott Murphy (New York, AEB, 1946) «azken rock izar» gisa deskribatu izan dute, baina hori baino askoz gehiago da: rockaren historiako pertsonalitate sendoetako bat. Kantugile, abeslari, gitarrista, idazle eta ekoizlea da. AEBetan diskoetxetatik urruntzen eta bere burua independente gisa antolatzen lehenetakoa izan zen, 1980. urtean. Bi nobela eta bi ipuin bilduma argitaratu ditu.

«Orain jende guztiak dio pop musika gustuko duela, baina 1998an ez zen erraza»

Imanol Ubeda, musikaria.

Imanol Ubeda (Tolosa, Gipuzkoa, 1973) Bide Ertzean taldeko kidea da. Boskoteak 'Don Inorrez' diskoaren bira gaur amaituko du, Donostian, gonbidatu bereziekin. Urte eta erdiz Euskal Herrian, Bartzelonan, Londresen eta Madrilen aritu dira euren lanik soilenarekin.