Abigail Lazkoz, artista.
New Yorken bizi da artista bilbotarra, baina egunotan
Euskal Herrian da. Bere jaioterrian, 'Aparteko makinak' erakusketa du
jarria, gerra eta gatazkaren marrazki bidezko hausnarketa.
Abigail Lazkoz (Bilbo, 1972) artistak Aparteko makinak
erakusketa du jarria Bizkaiko hiriburuko Rekalde aretoan. EHUn Arte
Ederrak ikasi zituen Lazkozek. Gaur New Yorken bizi da. Erakusketa baino
gehiago, instalazioa da Bilbokoa, ikuslea giro berezian murgiltzea
baitu asmoen artean. Urtarrilaren 31 arte egongo da ikusgai.